Croeso
Hafan
Croeso i wefan Panel Cysylltu Cymunedol Fferm Wynt Coedwig Dyfnant.
Mae’r logisteg ar gyfer rheoli’r Panel Cysylltu Cymunedol, gan gynnwys cynnal y wefan hon, yn cael ei gwneud gan Bellenden, asiantaeth annibynnol sy’n arbenigo mewn ymgynghori cymunedol. Caiff y cyfarfodydd eu cadeirio gan Alun Pugh, cyn Weinidog Cabinet y Cynulliad Cenedlaethol a chyn Gyfarwyddwr Cymdeithas Eryri, elusen ymgyrchu amgylcheddol sy’n gweithredu ym Mharc Cenedlaethol Eryri a’r cylch.
Mae Panel Cysylltu Cymunedol Fferm Wynt Coedwig Dyfnant yn dod â thrigolion lleol, cynrychiolwyr y gymuned a chynrychiolwyr etholedig ynghyd, efo’r tîm datblygu o ScottishPower Renewables (SPR), i drafod a rhannu gwybodaeth ynghylch y fferm wynt arfaethedig.
O fewn y grwp, bydd Aelodau’r Panel ac SPR yn trafod pynciau sy’n ymwneud yn gyfan gwbl â datblygu, adeiladu a gweithredu’r fferm wynt arfaethedig. Fforwm trafod bord gron fydd y Panel gan roi i aelodau’r gymuned leol y cyfle i ddylanwadu ar elfennau o ddyluniad terfynol y prosiect arfaethedig.
Mae Bellenden yn croesawu unrhyw gwestiynau gan aelodau’r cyhoedd sydd heb fod ar y panel, a gall cwestiynau gael eu hanfon at y tîm drwy gyfrwng y dudalen cysylltiadau. Bydd cwestiynau’n cael eu trafod gan y grwp yn y cyfarfod nesaf neu mewn cyfarfod dilynol addas (er enghraifft pan fydd arbenigwr technegol perthnasol yn bresennol).
Ar y wefan hon, byddwch yn gweld manylion rôl a nodau cyfarfodydd y Panel Cysylltu Cymunedol, rhestr o aelodau’r panel, Cylch Gorchwyl y Panel a dyddiadau, agendâu a chofnodion cyfarfodydd. Y Cadeirydd fydd yn gyfrifol am rediad trefnus y cyfarfodydd, cadw at yr agenda a gorfodi cyfansoddiad y Grwp.
Mae manylion pellach am Fferm Wynt arfaethedig Coedwig Dyfnant i’w gweld drwy glicio ar y ddolen hon:
www.coedwigdyfnant.com
Fferm Wynt Arecleoch, De Gorllewin yr Alban - uchder y tyrbini 121.5m i'r pen. Mae'r llun uchod i bwrpas cyfeirio yn unig ac nid yw'n cynrychioli'r Fferm Wynt arfaethedig yng Nghoedwig Dyfnant.
Cliciwch yma am syniad o uchder tyrbinau mewn perthynas â thirnodau adnabyddus eraill yn y Deyrnas Unedig.